قول يا قلم

اكتب ياقلم وقول
اكتب وقول اللى فى نفسك
واوعى حاجة تغشك
اكتب انت ليه مهموم
وسارح والبال مشغول
خرج اللى فى عبك
ومتخوف منه وبيهزك

اكتب ياقلم وقول
اكتب عن حالى وحالك
يمكن تلاقى اللى يريح بالك
اكتب عن مصير اخوة
فى القدس متحوطين بقوة
ومحتاجين شويه مروة
وبتقول ياواد انت وهو
تعالوا نوحد القوة
لفك الحصار من الاعادى

اكتب ياقلم وقول
عن ناس ماشية مع الفتوة
وبتكسر كل فكر بينادى بقوة
لانها قابضة وبايعة البيعد ديه

اكتب يا قلم وقول
على بلد اتبهدلت جوه
وواحد فى ايده الشعلة
بينفخ فيها بهمة
وفتنة قايمة ومش نايمة
بين ولاد بلد واحدة

اكتب يا قلم وقول
عن واحد ومعجبانى
عامل مصلح وحقانى
وهو عميل لبلاد تانى

اكتب ياقلم وقول
يمكن يتغير اخوانى
من حالهم لحال تانى
ويلموا اللى فاضل من وجدان اخوانى
ويرجع السطر منتظم من تانى.

والله العظيم اللى كاتب الكلام دا دماغه زي الفل
والف الف شكر ليكي لان بجد الكلام دا ما يعرفش قيمته غير حد فاهم في الشعر
وعشان كدا مفيش قدامى غير انى اشكرك
واثبت الموضوع
[ندعوك للتسجيل في المنتدى أو التعريف بنفسك لمعاينة هذه الصورة]