يوميات مشرف ..... الحلقة التانية....جامدة جدا

الحلقة التانية من يوميات مشرف

الادمن : يا فتاح يا عليم يا رزاق يا كريم
معقول الساعة بقيت 7 الصبح ولسه المشرفين نايمين
اما ارش شوية ميا كدا قدام المنتدي وبعدين اروح اصحيهم
الادمن : انت يا ابني انت وهو اصحوا الله يخرب بيوتكوا معينكوا مشرفين
وكمان نايمين

المشرف : صباح الخير يا بيج بوص عامل ايه ؟؟؟

الادمن : خير هيجي منين الخير يا سي زفت انت نايم انت والمشرفين دول وانا
طالع عيني فى الابلود

المشرف : انت مش واخد بالك يا بيج بوص ان انا ماسك القسم العام يعني هارفع
ايه يعني يا بيج بوص

الادمن : طب ادخل قسمك نزل لك خمناشر طمناشر موضوع من الزبالة بتوعك اللى
عمال تقول فيهم كلام كبير كدا وخلاص بدل ما انت نايم كدا

المشرف : طب اديني عشر دقايق بس هاحلق دقني واعمل الدماغ واخد الشاور
واجيلك

الادمن : تعمل الدماغ ازاي ياض

المشرف : قرش الكابتشينو يا بوص

الادمن : وانا اقول المنتدي نايم ليه

المشرف : معلش يا بيج بوص خد الباب وراك

الادمن : كمان يا اخويا اخد الباب ورايا شوية وتقولى
اجيب لحضرتك الشيشة التفاح بتاعتك

المشرف : معلش يا بيج بوص

ويخرج الادمن ويغلق الباب وراءه

المشرف و بيتكلم بعد ما الادمن خرج : ماله الواد دا كارف علينا كدا ليه
انهاردا هو فاكرنا ايه بنلم في فلوس من ورا الشغلانة السودا دي

انا لولا بس ان الشغلانة دي عامله لى برستيج كان زمانى خلعت وسيبتها من
زمان

الادمن: انت بتبرطم بتقول ايه ياله انت ؟؟ انتى فاكرني
نايم على وداني ده انا مركب كاميرات تجسس في كل قسم

المشرف : لا ابدا يا بوص انا كنت بادعي لك

الادمن : باحسب

الادمن مخاطبا المراقب العام : ازايك يا ابني عامل ايه

المراقب العام : ايه يا عم انت.....ايه البواخة دي بقا في حد برضو يجي يسال
حد عامل ايه الساعة 7 الصبح خلي عندك دم واطلع وسيبنى انام

الادمن : وانا اللى جاي اشتكي لك من شوية
المشرفين دول

المراقب العام : ليه بس مالهم

الادمن : كلهم لسه نايمين لحد دلوقت ولا واحد دخل قسمه

المراقب العام : طب بص احنا نولع فيهم كلهم بجاز
ونستورد طقم مشرفين من منتدي تانى

الادمن : فكرة حلوة يا ابو الفكاكير انا هاسيبلك المهمة
دي ولع فيهم وبعدين رن عليا

المراقب العام : طب خد الباب وراك يا اخويا
وسيبني انام روح الله يحرقك

الادمن : حتي انت........انا شكلى هولع فيك معاهم

ويخرج الادمن ويرتفع صوت شخير المراقب العام

وانتهت الحلقة دي

انا كاتب 5 حلقات وان شاء الله هجيبهم كلهم

هههههههههههههههههههه
بجد جميله
ومستنين الباقي
بس بلييييييييييييييز ما تحطش كلام بتاع الايام دي لحسن مش بفهم شبه كلمه (كارف )يعني لو سمحت مزيد من التوضيح

شكرا يا حويف علي الموضوع الجميل

هههههههههههههههههههههههههههههههههه
عينيا يا مون لايت
هحط كلام سهل
نورت التوبيك يا محمد

» يوميات مشرف في منتدي ..... الحلقة الاولي
» الحلقة التالتة من يوميات مشرف في منتدي
» الحلقة الرابعة من يوميات مشرف في منتدي يا رب تعجبكوا
» الحلقة الخامسة من يوميات مشرف في منتدي..... بجد حلقة حلوة
» يوميات مجنون.