الحلقه التانيه من يوم فرحى ويوم حزنى (يوم وموعود)

يوم فرحى يوم حزنى
الحلقه الأولى (مين يوسف)
يوسف هو فيه زى يوسف طبعا دى الكلمه إللى اول ميصحه من النوم يسمعها وده بس لما الجماعه فى البيت يبقو عايزين حاجه ......
يوسف يقوم الصبح مليان امل ليوم جديد مليان سعاده وفرح دايما شايل ولاغى تماما فكرة النكد والحزن والكأبه من دماغه لأنه مقتنع إن بدون ضحك وامل مش هيبقه فى حياه .
يوسف عنده زمايل كتير اوى وعارف كويس اوى إيه الفرق بين الزماله والصحوبيه وليه اصحاب يكادو قليلين ومن اعز صحابه عماد ودلعه (عمده) وده بقه العمده بتاع شلة يوسف.
عماد فى يوم وقع فى مشاكل كتير غيرت حاله خالص يعنى بالغة اليومين دول ( قلبتله موده يا معلم ) وقعد يومين على الحال ده لحد مشاف يوسف بعد اليومين دول إتغير حاله تماما ويوسف عرف يخرجه عن موده الكأيب ده خالص وأقنعه بكلامه ينسى مشاكله دى ويخلى عنده امل فى الحياه وربنا إللى قادر على كل شىء. ومدام فى امل فيه حياه
ودى تناى حاجه نعرفها عن يوسف إنه بيحب صحابه اوى و وجدع وخفة الدم وده رأى كل إللى بيشوف يوسف لأنه فعلا بيخش قلبهم بسهوله وده راجع لطيبته المنتهيه والشديده
ونيجى بقه للهم إللى مش بيخلص هههه البنات
البنات بالنسبه ليوسف زى إخواته عمر مفيه واحده شدته خالص مع إن صحابه كل واحد منهم عنده البنت إلللى بيحبها ودايب ومتبهدل يعينى فى حبها وهواها
بس يوسف فعلا مبيكلمش بنات عشان عنده إخوات بنات ولا عشان فعلا مش لاقى إللى عايزه فى اى واحده
بس السؤال المهم هى كلمة امل كانت مجرد كلمه عند يوسف ؟ لحد مجه اليوم الموعود
وأشوفكم فى الحلقه الجايه من يوم فرحى يوم حزنى

عايز اعرف تخمينكم فى الحلقه
إيه هو اليوم الموعود يترى ؟
وعايز اعرف غللى متوقعينه فى إللى جاى من الحلقات الجايه وإيه رأيكم فى الحلقه

قصة حلوة
واليوم الموعود انه هيشوف بنت وهيحبها مووووووووووووووووووووووووت

حلوة يا حودة
تسلم دماغك يا صاحبي
جاري التثبيت
ومنتظرين باقي الحلقات

هههههههههههههههه
نو كومنت

اهاااااااااااااااااااااا
نسيت اقول اليوم الموعود هو ايه

امممممممممممممممممممم

ممكن يكون مثلا هيقابل البنت؟

او يموت بقي ونستريح

لا حرام عليكي
هتموتيه كدا من اول حلقة
عايزين نشوف دماغ حودة لما تبدع
حودة واحد بس حودة هو الاصل

استغفر الله علي دي جمله
( حوده واحد بس حوده هو الاصل )هههههههههههههههاي

ههههههههههههههههههههههههههه
انتى هتغلطي في الشعار ولا ايه

بص يا عم حودا ( حوده واحد بس حوده هو الاصل ) يوم فرحة اليوم اللي هيقابل فيه البنت اللي هيحبها من اول نظرة ويوم حزنه انه هيعرف في نفس الوقت ان صاحبه بيحبها هو كمان ومينفعش يخسر صاحبه عشان بنت وهنا يقع في مشكلة فهل يكسر قلبه من اجل صديقه وهو اول مرة يحب بجد ام يحاول ان يفوز بها حتي لو خسر صاحبه؟ ده مجرد تخمين

انا مبسوط لرد الفعل بتاعة الأعضاء واوعدكم إنى اكون عند حسن ظنكم وإستنو المفجأت
بس فيه حاجه لازم تلفت نظركم فى الحلقه الأولى محدش خد باله منها خالص
واعوو تنسو الشعار
حوده واحد بس حوده هو الأصل
واوعدكم بفجأه فى كل حلقه

يلا بقى يا حودة عايزين نشوف الحلقة التانية

يوم فرحى يوم حزنى

الحلقه التانيه ( يوم ومووعود
على :لوله ده دلعه على بالنسبه ليوسف مش مجرد صاحب بس وده راجع لأن على يكون إبن عم يوسف يوسف ملوش إخوات بس على ليه اخت إسمها سلمى على ويوسف إتربو فى بيت واحد كبروا فيه وكبرت احلامهم كمان معاهم فيه
يوسف قد على فى السن هما الإتنين زى الإخوات وده كمان لو فعلا مكنوش إخوات وده راجع لان الأهل عودوهم على كده إن يوسف ميكنش ليه غير على وعلى ميكنش ليه غير يوسف
هما الإتنين بيكلو اكل واحد وشرب واحد حتى اللبس بيجبوه سوى إتعودوا على كده من صغرهم إنهم يشاركو بعض على الحلوه والمره يروحو دروسهم سوى وكمان مكنوش بيسيبوبعض فى النوم حتى التفوق فى الدراسه تقريبا مفيش فرق فى المستوى بينهم ولا حتى فرق فى اى حاجه على ويوسف بيفهمو بعض بمجرد إنهم يبصوا فى عين بعض وده راجع لأنهم عاشوا مع بعض أجمل فتره فى حياة اى شخص وهيه فترة الطفوله والشباب عاشو سوى 18 سنه وكمان خلصو الثانويه العامه سوى
حلم يوسف كان إنه يكون مهندس لأنه يحب يشوف إللى بيرسمو على الورق وبفكره هو وبإبتكاره يتحقق قدامه فى الحقيقه يعنى بإختصار الحلم يبقه حقيقه بس على متفقش معاه فى الحلم ده وإختلفو سوى لأن على حب إنه يكون دكتور عشان يداوى جرح الناس ويخفف جراحهم ويساعدهم على الشفه وفعلا إتحققت احلامهم
وطبعا صاحبهم التالت عماد كان امله يخش الصيدله وفعلا حصل امله فى ده
كل احلام يوسف وعلى كانت احلام بريئه ومشروعه لأى حد فى الدنيا وده كمان على صاحبهم على
وزى عادة كل يوم عماد يفوت على يوسف وعلى عشان يمشو سوى ويروحو كليتهم مع إن كل واحد فيهم كان فى كليه مختلفه إنما حبهم إنهم يسجلو ذكرى ليهم سوى يفتكروها لما يكبرو ويحققو احلامهم سوى وقدام عنيهم كان اكبر بكتير من إنهم يوصلو بعض لكلياتهم
وده كان اجمل يوم فى حياة يوسف لأن يوسف فعلا كان عنده امل إنه يشوف امله فى الحياة لتانى مره وفعلا ربنا حققله امنيته وفعلا شافها لتانى مره بعد مشفها فى المره لأول مره من سنتين يقدر يشوفها تانى فى الكليه
على فهم يوسف لما بص فى عنيه وعرف إن عنيه فيها حاجه مش طبيعيه
فيها فرحه مليانه شوق وفيها عشق مليان امل وفيها لمعان وبريق النجوم عشان قمرها طالع وهيه شيفاه وده يدل إن ده شىء مش عادى وبعد مروحو زى عادة كل يوم إنهم يخرجوبالليل فى جروجة اخر الإسبوع يقعدو سوى ويهزرو سوى ويشكو لبعض ويكونو دهر وصدر حنين لبعض
نازل يوسف من بيته وبيمسى على ام على ويقول ليها
يوسف:إزيك يا فمر والله العظيم عمى خساره فيكى
ام على : يا واد يا بكاش ودى معاكسه ولا بتاخد بإيدى وترفغ معنوياتى إكمنى كبرت فى السن
يوسف: كبرت فى السن ده إيه ده لو عمى مش متجوزك كنت خطفتك واجرى واقول انا معايا اجمل واحد فى العالم
ام على : هههههههه طيب بطل بقه لأحسن عمك يسمعك ويغير منك وخش لأخوك جوه مستنيك
بعد ميوسف خبط على الباب
يوسف: ينههر ابيض إنت لسه ملبستش ده عماد زمانه جاى
على : يوسف بلاش نخرج النهارده ونعقد وخلاص
يوسف بطل كسل بقه وخمس دقايق والاقيك جاهز
على : ولونى مش مطمن لليوم ده بس اعمل إيه فى دماغك الناشفه
يوسف : هوده الكلام بص يا على انا فرحان اوى وعايزك معايا ضرورى تقوم تقولى مش عارف إيه يالله ياعم مستنيك بره وبسرعه بقه
عماد وصل واعد ينادى
عماد: يا جو يا جو يا جو يا جو يا جو
يوسف: طلع وهوه مبتسم إيه يبنى نازلين اهوه
عماد: إيه يا عم وشك النها رده بيقول إن فى حاجه والفرحه عليه خلص بقه لليوم شكله حلو
خلص الكلام بين يوسف وعماد وعلى كان جهز وكان على بيمد إيده عشان يفتح الباب وهيه بتترعش ويبص بتركيز اوى فى كل ركن من غرفته وكل ركن فيها بيشوف نفسه فى فرحه وحزنه وبيفتح الباب ولقى امه فى وشه وهيه بتقوله خلاص ماشى يقول مش هغيب يا اومى ساعه ولا إتنين وراجع وحضنها اوى ويضمها بين إيده على حس بأمان ودفى ويوطى يبوس إديها ويقولها إدعيلى يا أمى وكونى راضيه عنى
ترد عليه وتقوله قلبى راضى عنك ليوم الدين يا حبيبى
وجرى على اخته يسلم عليها وعلى غير عادته يقول ليها مش عايزه حاجه يا سلمى امرى بأى حاجه وهيه تكون تحت امرك
سلمى قالتله اى حاجه اى حاجه قالها اه قالت ليه انا عايزه سلامتك يا على خدها فى حضنه وقال وهو بيبتسم متخفيش على اخوكى بس انا عارف إنت عايزه إيه إنت عايزه الشكولاته إللى إنت بتحبيها من عنيه هجبهالك وانا راجع وخلى يوسف يشهد على كده
وهو خارج من البيت كان بيبص لكل حاجه فيه وبشوق كبير ليه وحاسس من جواه إنه حيوحشه اوى ومسك فى إيد يوسف وهيه متلجه وهو حاسس بخوف لدرجة إن يوسف يسأله ويقوله مالك يبنى تعبان ولا إيه
بس على قاله لا انا بقه عايز امشى دلوقت وغيرت رأى وعايز امشى بسرعه يالله بقه عشان انا مستعجل
وهما ماشين على ويوسف وعماد أذان العشاء اذن على صمم إنهم يصلو العشاء جماعه وفعلا صلوها سوى
يوسف سمع دعاء على فى سجوده وده عشان صوته كان عالى سمع صوته وعلى بيقول وهو بيبكى يارب إغفر لى ذنبى يارب تقبل منى يارب امنيتى إنى اقابلك وانا طاهر خالى من الذنوب وانا عبدك الضعيف خاشع ليك فحقق لى إمنيتى وخرجو التلاته وطبعا قعدو عن عمى طه على الكورنيش هما التلاته دايما هناك وده مشهور عنهم
على قرب من يوسف وقاله مش هتكمل
يوسف: مش هكمل إيه
على : كمل بقه فى امل
يوسف: ههههه دى كلمتى على فكره إنتم بقيتو تقلودوا كل حاجه كده
على : يوسف انا مش قصدى على امل دى انت عارف انا قصدى على إيه
يوسف: بنرفزه شديده وبعصبيه بيرد امل تانيه إزاى إنت.
على : انا مش حاجه يا يوسف وانا اول مره اشوقك كده يا يوسف محتار ومش عارف الدنيا وخدالك لفين اديك ماشى مع التيار وخلاص انا هسيبك دوقت واروح اجيب الشكولاته لاختى
وعلى بيعدى السكه حس حاجه اول مره يحسها وهيه إنه مش سامع حاجه خالص بس شايف بس وفجأه بيبص وراه لقى على وعربيه بتقرب منه وعلى مش حاسس بحاجه خالص عماد ويوسف جرو جروا جروا ويعلو صوتهم حاسب يا على حاسب حاسب بس للاسف محاولتهم مقدرتش إنها تمنع قدر مكتوب لعلى ولا حتى جربيهم عرف يخليهم يوصلولو قبل مالعربيه تضربه ويقع على الأرض
عماد نزل عليه وهو بيصرخ ويقول علىىىى علىىىىىىى رد عليا ياعلى رعد عليا يا صحبى وكان صوت عماد يكاد مسموع فى الدنيا كلها بس مهما هو على فى صوته إستحاله إن على يسمعو بعد ما خلاص
اما يوسف واقف فى مكانه باصص عليه وهو مش مصدق حاجه مإللى بتحصل وباصص على على اوى وهو غرقان فى دمه وهو مش عارف يعملو حاجه وكأن على لوحده على الأرض ومفيش حد حوليه ولا حد فى الدنيا غير على على قرب يوسف عليه براحه خطوه خطوه وهو مش مصدق إللى بيحصل خالص
ونزل على ربته وخد على فى حضنه ولقى فيه الروح وعلى بيقول ليوسف انا خايف عليك يا يوسف إنت لازم متحيرش نفسك انا عارف كل إللى إنت فيه من نحيتها من زمان وإنت بتتعذب إوعدنى إنك هتكمل يا يوسف دى اوعدنى يا يوسف اوعى تسيبها لحد تانى
وامى يا يوسف امانه فى رقبتك اوعى تحسسها إنى بعدت عنها وإختى يا يوسف خلى بالك منها ملهاش حد غيرك دلوقت وجيبلها الشيكولاته إللى بتحبها وقول ليه كان نفسه هو إللى يدهالك من إيده بس إيدك هيه إيدى يايوسف
يوسف بيرد وهو مش قارد يتكلم متقلش كده يالولو إنت راجع تانى ليهم
على : خلاص يا يوسف انا طالع اشوف الحبيب وعايز اكون مطمن وإنت يا يوسف اوعى إنى اخدك من نفسك لازم تحب وتكمل حياتك مش دى إللى بتحلم بيها من زمان وعلى فكره انا اكيد هكون معاك على طول كل مأوحشك فأنا فريب منك على طول مش هسيبك كل متعزنى هتلافقينى معاك اعد فى غرفتى يا يوسف وإنت هشوفنى وتشم نفسى فيها وانا معاك على طول يا يوسف
عين على غمضت وكأن الحياه غمضت معاها
رد فعل على ويوسف
على : يبكى يبكى يبكى وبكاه يعمل بحر من دموعه ويسأل نفسه من جواه وهويبكى على دكتور كان كل مناه إنه جرح ويداوى الم الناس ويساعدها على الشفاء وهو دلوقت مش لاقى دكتور يساعده ولا حتى الطب كله يرجعه للدنيا من تانى
اما يوسف: عقله طار صعب على اى حد فى الدنيا إن اخوه يموت قدام عينه بالطريقه دى وهو مش قادر حتى يمد ليه ايده عشان يبقذه والأصعب إنه يجرحه بكلامه إللى هوه
إزاى على يكون عايزنى احب واعشق واكون سعيد واكمل مشوار زى ده وحته من قلبى خلاص مفرقانى ده مش قلبى بس دى الشمس إللى بتدينى الدفه إزاى على عايزنى اعيش من غير شمس ووبص لعماد و
اشوفكم فى الحلقه الجايه من يوم فرحى يوم حزنى

ياريت إبعتولى تعليقاتكم على الحلقه دى وتحسوها زى انا معشتها لأنها حاله قاسيه جدا
السؤال هل يوسف فعلا يعمل كلام على إللى جرحه ولا لا
ومستنى ارائكم

الحلقة التانية بجد تحفة يا حودة
بس فيها كمية احاسيس كبيرة اوى
الواحد كان هيعيط وهو بيقرأ
تسلم دماغك يا حودة
ومستنين باقي الحلقات ياريت ما تطولش علينا

بجد روعه

تسلم ايديك

انا عيطت بجد

وف انتظار الباقى بفااااااااارغ الصبر

بجد جميله اوووووووووووي
منتظرين المزيد
ابداعات رائعه

بجد يا حودة انت طلعت واد دماااااااغ
وانا واللهى العظيم عيط وعنيا دمعت
وهى حلقة مؤثرة اوووووووووووووووى
وفعلا دة اصعب موقف ممكن حد يتعرضلة
وفعلا ياحودة من غير مجاملة
حودة واحد بس حودة هو الاصل

جميلة جدااااااا وحزينة جدااااااااااااااااااااااااااااااااااااااااااااااااا بس حرام عليك كنت خلي عماد هو اللي يموت

محدش جاوب على السؤال
وانا فعلا وانا بكتب الحلقه دى كان عندى إحساس ميتوصفش وفعلا إتأثرت ولازم اشوف ردكم على السؤال وكمان مستنين إيه

اقتباس :

[code]

طبعا هيعمل كدة

يعني ايه هيعمل كده؟؟؟؟
ممكن يكمل
والعلم عند الله

بجد حلقة روعة وفعلا مليانة أحاسيس صعبة أوى ان الانسان يحس بها
وردى على السؤال: هو أكيد ها يكون مش عايز يكمل بس الحياة والحب اللى فى قلبه والناس اللى حواليه كل ده ها يكون دافع أنه يكمل حياته بس أكيد ها يفضل طول عمرة فاكر الموقف ده ومش ها ينساه

» الحلقه الأولى من مسلسل دايب ومتشحور