يوميات مشرف -الحلقة الرابعة -
المكان : اجتماع على الايميل
الزمان : والمصحف الساعة واقفه اصلى ما دفعتش فاتورة الكهربا
الموجودون : جميع مشرفي المنتدي ولا يوجد اى عضو من اعضاء الادارة لانه اجتماع سري مغلق للمشرفين فقط
مشرف القسم العام : هاي عليكوا كلكوا
مشرف الاغاني : اخلص يا ابنى الله يحرقك عايزنا فى ايه انا مش فاضيلك ورايا سنجلتين عايز ارفعهم
مشرف القسم العام : طاب يا عم براحو شوية مالك كارف علينا كدا ليه ؟؟؟؟؟
مشرف الحب والرومانسية : على فكرة يا مشرف الاغاني شكلك كدا مش عاطفي خالص
مشرف قسم الاغاني : عاطفي ايه يا واد يا حبيب انت هو انت وراك غير انك تدخل تكتب شوية كرم كبير من اللى انا مش بفهمه دا
ومحدش بيفهمه غيرك دا لو انت كنت فاهمه اساسا
مشرف القسم العام : خلاص يا ابني انت وهو ......خلينا فى المهم
انا جامعكم انهاردا لانى مش فاضي بكرا
مشرف الضحك والفرفشة : ههههههههههه يا نهار اسود على خفة الدم ابقي ادخل القسم عندي شوية
انجز يا ظريف
مشرف القسم العام : حاضر بصراحة كدا انا شايف ان الواد الادمن شايف نفسه علينا قوى اليومين دول ومكبر لنا ع الاخر ومصدر لنا الطرشة وانا زهقت منه بصراحة
مشرف قسم الاغاني : والمصحف معاك حق ياض اول كلمة تقولها صح ف حياتك يا ابن اللذينا .....الواد الادمن دا انا اتخنقت منه خلاص
مشرف الضحك والفرفشة : انا شايف ان احنا نعامل الواد دا معاملة فاقد الاهلية ونطلعله شهادة معاملة اطفال
ونربيله الخفيف وكدا نخلص منه
مشرف القسم العام : قشطة عليك يا ابو الفكاكير انت يا ابو دماغ بومب بس هنعمل كدا دا ازاى ياض انت ؟؟؟؟
مشرف قسم الاغاني : بصوا يا جماعة احنا نظبط مع حد من الادارة نديله رغفين وبيضتين وباكوين بسكويت وسيجارتين ويجيبلنا باسورد الادمن دا
مشرف الحب والرومانسية : حلوة اوي الفكرة دي وكدا نخلص من زنه علينا كل شوية يقولى ادخل قسمك ...ادخل قسمك ... محسسنى انه كان قسم ابويا
ولا انى مولود فيه
مشرف القسم العام : خلاص كدا يا جماعة تم الاتفاق وبالاجماع على الحل السابق وسيبوا الموضوع دا عليا وبكرا هيكون عندكوا باسورد الادمن دا
مشرف قسم الاغاني : يللا بقا غوروا من قدامي الساعة دي لان عفاريت الدنيا كلها بتنطط في وشي ومش مستحمل حد قدامي
وينتهي الاجتماع ويفاجئ مشرفي الاقسام الاتية ( الاغاني _ الضحك والفرفشة _ العام _ الحب والرومانسية) بانه قد تم حظرهم من دخول المنتدي
وفجـــــــــــــــــــــــــــأة
تظهر صورة كبيرة لادمن المنتدي وبجواره مشرف قسم الافلام الهندية سابقا بعد ان تم ترقيته الى اداري وكبير اداري المنتدي كمان
مشرف الافلام الهندية سابقا : أي خدمة يا بيج بوص شفت العيال كانوا عايزين يعملوا معاك ايه كانوا هيعملوا فيلم هندي عليك
الادمن : اه يا ولاد ال-تييييييييييييييييييييييييييييييت - ماشي يا معفنين انت وهو روحوا الله يحرقوا كلكوا كدا على بعضكوا
الرئيسية 
موضوع: الحلقة الرابعة من يوميات مشرف في منتدي يا رب تعجبكوا 
السبت أغسطس 21, 2010 11:10 pm
