قولى ليه ما حبتنيش
ليه ما حستنيش
ليه عشمتني انك في بعدي مش هتعيش
قولي ليه كدبت عليا
ليه جرحت فيا
ليه بكيت عينيا
قولي ليه كنت عليك بغير
ليه حبيتك انا بضمير
ليه حبك كان جوايا كبير
لو عملت ايه ليك تاني مش هميل
قولي ليه عشمتني بحبك
قولي ليه طمنتني وانا جمبك
قولي ليه بعت وسينتني لوحدي
سيبتني وبقيت في جراحي محدش قدي
قولى ليه حسستني انك ملاك
ليه علقتني بهواك
قولى ليه ما فضلتش جمبي
قولي ليه ماقدرتش حبي
و ليه خونت قلبي
قولي ليه بعت هوايا
ليه موت اجمل احساس جوايا
قولى ليه ارجعلك تاني
انا مش هاعيش غير علشاني
قولى ليه عايزني اصالحك
لو انت ضميرك مسامحك
قلبي مش هيقدر يحسك
قولي ليه حبيتك اكتر من اللزوم
كان حبي ليك بيزيد يوم ورا يوم
قولي ليه كان املي انى اعيش معاك
وياك
في حضن هواك
قولي ليه كنت معاك باتحمل
ليه وافقت اكمل
حب باينة اخرته م الاول
قولي ليه كنت معاك بعيش
حب ما ينتهيش
وطلع كلامك كله مبني على مفيش
قولى ليه بعد ما عيشت معاك احلي ايام
حبك ليا طلع اوهام في اوهام
قولي ليه ارجعلك وانت بقيت ماضي
وبقا حبي ليك شيئ عادي
قولي ليه بعد دا كله بتقول انك مش غلطان
فاضل ايه كمان
ما كفاية اللى حصل زمان
قولي ليه حقيقتك قدامي ما كانتش باينه
ليه عمري ما شكيت انك خاينة
قولي ليه بعدك هتضايق
بالعكس دا انا عايش رايق
بعدك خلاص بقيت فايق
وبعدك عليا لايق
قولي ليه مثلت عليا الاخلاص
و حبيتني من غير احساس
ليه شمت فيا الناس ؟؟؟
اسف ان كنت طولت عليكوا
ومستني رايكم
الرئيسية 
موضوع: قولى ليه .... اكتر حاجة كتبتها واتأثرت بيها 
الجمعة أغسطس 27, 2010 3:14 pm
