تخيل لو بقيت.....................................!!!!!!!!

تخيل لو كنت فرخة أو دجاجة؟!
هيييييييييييييييييييييه دنيا فانية..........
مش عارفه أبدأ إزاى؟؟؟
كنت من فترة قصيرة قاعد فوق سطح البيت بتاعنا فى قرية من الريف المصرىأى نعم أنا طالبهفي ثانوي(يعيييييييييييي)
لكن داه لا يمنع إنى ساعات بطلع افك عن نفسي ومن جو المذاكره فوق السطح
المهم احنا فى بيت جيرانامربيين دجاج وفراخ فوق السطح
أثناء ما كنت قاعده على السطح بتفرج على الفراخ وهى تأكل... فكرت قليلا!!!!
تخيلي لو كانتي يا(مون لايت )ربنا خلقك فرخة!!!!!
كان ايه هيبقى شعورك؟؟
تخيل معى أخى القارئ الحياة كانت هيبقى شكلها عامل إزاى.

أولا: لا طموح لك إلا فى أكلة تملأ معدتك..

ثانيا : الناس تربيك فوق السطح بتاعهم فى الهواء الطل والبرد المفتوح بلا بطانية أو مدفأة ..منك للسماء... الأرض تحتك والسماء سقفك

مش كدة وبس لكن الأنيل إن أكلك عبارة عن زبالة أهل البيت اللى ساكنين تحت فى الشقق الدافئة..

مش كدة وبس لكن الأكل مافيهوش هناء.. تلقى الفرخة دى تنتش الأكل منك...والفرخة التانية تنقرك بمنقارها... والفرخة دى تنتف ريشك...
ولما ريشك يطول وتقدر ترفرف بجناحاتك تلاقى أهل البيت يقصوا ريشك بلا رحمة وبلا شفقة..
لا وخد بالك بقى لما تبدأ تبيض... تتعذب وانتا بتبيض وأهل البيت ياخدوا البيض على الجاهز....
لا وكمان مافيش جواز..الحكاية ومافيها ديك واحد مع قطيع من الفراخ بلا حدود ولا مواثيق..
وياحظك بقى لو على السطح شوية بط أو معزتين تلاتة تلاقى خناقة على الأكل وممكن تبات جعان وفى البرد
لا بقى الأسوا بقى لو انتا فرخة فى بلد ريفى .. تلاقى فئران وابن عرس وقطط وكلهم أعدائك... يعنى مافيش أمان فى العيش ومافيش أكل وما فيش دفء.
لا وما بتتكلمش وما تقدرش تطالب بحقك من الإنسان... كل اللى بتقدر عليه أن تكاكى كاكاكاكاكاكاكاكاك..
وممكن تبات عطشان... ومافيش صنابير مياه.
ولا تليفزيون ولا دش ولا نت ولا قصر الشوق ولا حاجة ولا رفاهية من رفاهيات الحياة
أكل حامض وأكل فاسد وأكل الكلب لا ينظر إليه.,.. وللأسف بتاكله غصب عنك....
وياسلام بقى فى الشتاء... بتستحمى غصب عنك بماء المطر ... ما فيش شمسية ولا شباك... منك للعراء..
ولو شوية أطفال طلعولك على السطح ... يفضلوا يجروا وراك لحد ما يهلكوك.. ويمسكوك ويعلقوك من رجلك ومن جناحك ويشدوا ريشك وممكن يرموك من الدور السادس للأرض
ولو انتا فرخة شاطرة وبتعرف تخطف الأكل من الفراخ اللى حولك تبقى مشكلتك إنك هتسمن
وبعد رحلة العذاب دى تبقى مصيرك الذبح والشواء وبالهنا والشفا لأعضاء المنتدى كله...

شفتوا النعمة اللى احنا فيها بنى البشر....


اختكم: مون لايت



متنسوش الردود ورمضان كريم.