عاوزاكم تصحصحوا معايا كدة ...
ايوة شايفك ياللي بتمصمصي شفايفك
وانت كمان ياللي بتقول في سرك " ارغي يا ست الأموره "
ايوة ايوة .. وانت ... عارفك يا اللي حاطط مؤشر الماوس على اسم الموضوع من برة عشان تعرف اللي جواه
مش هاريحكم .........
ولا اقولك احنا فرمضان ...........
ياترى عارف أغلب اللي بيموتوا في الحوادث بسبب ايه ؟؟
بسبب النزيف الدموي ...
طب يعني ايه دم ؟؟
انت اصلا متوقع انسان يعيش من غير "دم " ؟؟
لألأ انا مقصدتش التنحين ... التنحين بيعيشوا بعمر طويل اوي
تعرف ان الدم .. اللي بيجري في عروقك " اوردنك" وشرايينك ده .. بفقد جزء بسيط منه ممكن .. تتبهدل ...!
جربت كدة يتسحب منك عينة دم ولو 5 سم .. في تحليل ولا حاجة ؟؟ .. محستش بفرق ولا بسيط ..!
طب جربت انك تتبرع ولو بكيس دم ... وهاتحس بتغيرات فسيولوجية بتحصل جواك ..!
طيب جربت تعرف ايه هو " الدم " ده ؟؟ ووظيفته ايه ؟
وايه هو سر الحياة في الدم ده ؟؟ وليه في ناس قالت عليه هو " سائل الحياة" ؟؟
وليه لما القلب بيبطل ضخ " الدم" للجسم .. وقتها بس نقدر نقول ان الانسان ده " مات" ؟؟
هو ده اللي هانعرفه مع بعض ان شاء الله ،،
ومادام هانتكلم عن الدم يبقى في الأول لازم نعرف ايه هو الدم
الدم : هو نسيج سائل لزج يجري في أوعية تسمى أوعية دموية " في دائرة مغلقة ".. وهذا الاوعية بتفرعاتها تمر "بما داخلها من دم" على جميع خلايا وانسجة الجسم ، يتكون من بلازما plasma تسبح فيها الكريات الدموية ..
وبعد ان تطرقنا لتعريف الدم لابد وان نقول ما هي خصائص الدم ..
خصائص الدم ... أربعة
1. اللون .. colour
شايفك ياللي بتقول الدم أحمر
طيب مش بتلاقي "احيانا" اوردتك " زرقا " ؟؟ لو جدع بقى قولي ده من ايه ؟
أقولك انا ...
للدم داخل جسم الانسان لونين ....
داخل الشرايين لونه أحمر فاقع ... وده نتيجة وجود الأوكسي هيموجلوبين oxy haemogolobin (hbo2) ... ويطلق على الدم اللي موجود في الشرايين " دم مأكسج " افتكروها دي عشان هانرجعلها بعدين
داخل الأوردة .. يكون لون الدم أزرق محمر ... ودي نتيجة ان الدم غير مأكسج ... فتلاقيه احيانا أحمر قاتم يميل للزرقة ..!
ودم مأكسج يعني يحتوي على أكسجين o2 ، والدم الغير مأكسج هو الذي لا يحتوي على o2 , ويحتوي على ثاني أكسيد الكربون co2
..
طيب عرفنا ايه هو الدم ؟؟ ...
ايه بقى فايدة الدم في الجسم ؟؟ أو بمعنى تاني ..... ايه هي وظائف الدم ...؟!
ده اللي هانعرفه حالا ....
يوجد عشر وظائف أساسية للدم .... أعتقد اننا لا نستطيع ان نستغنى عن أي واحدة منهم .. ولو حصل وحدث اي خلل في أحد الوظائف يؤدي الى خلل في الجسم كله ويؤدي كثيرا إلى الموت ........!
يالة عدوا معايا كدة وظائف الدم ؟؟
الأولى : وظيفة غذائية ...Nutritive function
وهي ان الدم مسئول أساسي على حمل جميع المكونات الغذائية " الاحماض الامنية ، الجلوكوز ، المواد المعدنية ، الفيتامينات .. الخ " من القناة الهضمية او من الجهاز الهضمي إلى جميع أنسجة الجسم ..
عشان كدة لما واحد او وواحدة يجيلهم هبوط بسبب نزيف أو ارهاق اواي حاجة زي كدة .. على طول بنجري نعلقلهم "جلكوز" ويبقى "دايركت" في الدم عشان يوصل لجميع خلايا الجسم ..
الثانية : وظيفة تنفسية .. Respiratory function
ويقوم الدم بحمل الغازات " أكسجين ، ثاني اكسيد الكربون " من الرئتين إلى جميع خلايا وانسجة الجمسم ومن جميع خلايا وانسجة الجسم إلى الرئتين ...
وهابقى اوضح النقطة دي ازاي نقص "الاكسجين " في الاماكن المرتفعة بيأثر بشكل مباشر على عدد كرات الدم الحمراء والهيموجلوبين في الدم ...
الثالثة : وظيفة إخراجية ..excretory function
والدم المسئول الأول عن اخراج بعض المواد مثل اليوريا واليورك أكسيد "urea, uric acid" .. وذلك بتوصيلها للكليتين ...
عشان كدة كثيرا من دكاترة بيبصوا على تحليل " اليورك أكسيد واليوريا " في الدم .. وبيشوفوا هل هي في نسبة النورمال ولا أعلى من النورمال .. عشان لو أعلى من النورمال ليها مدلول طبي ... وده هانعرفه بالتفصيل ان شاء الله لما نشرح تحاليل الدم .. وازاي تقرأ اي تقرير خارج من معامل التحاليل ...!
الرابعة : وظيفة دفاعية .... defensive function
فالدم هام جدا .. دفاعيا .. بالنسبة لجسم الانسان ... حيث يحتوي على كرات الدم البيضاء ووظيفتها الاساسية محاربة الاجسام الغريبة وايضا يوجد .. ال..
مضادات الاجسام " antibodies" ووظيفتها محاربة الاجسام الغريبة وخاصة البكتيرية الموجودة في الدم .... وساعات لما الاجسام المضادة بتبقى عاجزة عن محاربة هذه الاجسام على الطول بيكتب ايه ؟؟ .... برافو antibiotic
- مضادات السموم antitoxines ... ودي وظيفتها القضاء على السموم اللي في الدم ... ولو مضادات السموم دي عجزت عن محاربة بعض السموم .. والانسان ملحقش نفسه .. بالتالي هايجيله تسمم .. وايه ...؟؟
طيب ناخد فاصل ونرجع ....
الوظيفة الخامسة : تنظيم درجة حرارة الجسم ... regulate of body temprature
ودي من أهم وظائف الدم اللي بحدوث اي خلل فيها قد يؤدي للوفاة...
ونقول سبحان الله عندما .. عندما نعلم ان درجة حرارة الكبد 40 درجة س ، ودرجة حرارة العين 9 درجة س ، ودرجة حرارة التستس في الرجال 27 درجة س ...
ونجد الدم هو المسئول على تنظيم درجة حرارة الجسم كله ، وجعله 37.5 درجة س ، ليصبح الانسان من ذوات الدم " الحار " .... ده طبعا غير الناس الباردة اللي درجة حرارتهم زي عينيهم ....!
ومن هنا الناس اللي معندهمش دم .. يقال عليهم " ناس باردة " ...!
الوظيفة السادسة : تنظيم عملية الأيض الغذائي .. regluate of metabolism
وذلك عن طريق افراز "في الدم " الانزيمات اللازمة لعملية الايض الغذائي..
الوظيفة السابعة : حمل وتنظيم المواد الافرازية ... carriage and regulate secrations
وده فقط بيكون للافرازات التي تفرز من الغدد الصماء ، اما الغدد التي بها قنوات ، فالافرازات بتكون مباشرة ..
الوظيفة الثامنة : التجلط .... blood clotting
وده عن طريق وجود " الصفائح الدموية " في الدم .. blood platlets
الوظيفة التاسعة : تنظيم الماء في الجسم ... regulate of water (H2O) in the body
وده عن طريق بياخد الماء من وإلى الكليتين ....!
الوظيفة العاشرة : ........... ام م ام ام
مش فاكرها الصراحة .....
يلا لو حد ناوي علي طب او صيدله هيستفاد بس يدعيلي بقي.
الرئيسية 
موضوع: خش وخلي عندك دم 
الإثنين أغسطس 16, 2010 11:27 pm
