الحلقة الخامسة من يوميات مشرف في منتدي..... بجد حلقة حلوة

الشخصيات : الادمن _ المراقب العام _ مشرف قسم الضحك والفرفشة _ مشرف القسم العام

الادمن : صبح صبح يا جدعان عاملين ايه

المراقب العام : صباحك قشطة يا صاحبي

مشرف القسم العام : حياك الله يا طويل العمر

ويمتنع مشرف قسم الضحك والفرفشة عن الرد

الادمن : بصوا بقا يا جدعان انا جايبكوا انهاردا عشان اناقش موضوع مهم جدا معاكوا

المراقب العام خير يا باشا وفي سره يقول ( انجز يا عم انت اخلص مش فاضيلك )

الادمن : انا عايز اخلي حمادة يمسك مشرف عشان ياخد الخبرة تمهيدا لانى اخليه يمسك المنتدي

مشرف القسم العام : حمادة مين دا يا برنس ؟؟؟؟

الادمن : دا ابني ياض انت وهو

المراقب العام ( في سره ) : يا نهار اسود حتي الكوسة وصلت لحد هنا

الادمن ( موجها كلامه للمراقب العام ) : بتقول حاجة يا ابنى

المراقب العام : لا يا كبير انا كنت بس بسألك هو حمادة بيه عنده كام سنة

الادمن : الباشمهندس حمادة عنده اربع سنين

مشرف القسم العام يردد كلمة لا يمكن ذكرها ( في سره طبعا )

المراقب العام : انت مش شايف يا ريس ان ابن حضرتك حمادة بيه صغير شوية على الاشراف

الادمن : يا سيدي الصغير بيكبر هو فى حاجة بتفضل على حالها وبعدين دا ابنى يعني هديله خبرتى

المراقب العام ( في سره ) : يا عم جاتك نيلة عليك وعلى خبرتك هو انت بتعمل حاجة اصلا.....احنا معتبرينك راس كرنبة هنا

الادمن : بتقول حاجة ياض

المراقب : لا يا ريس انا كنت بسألك بس انت كنت بتحب المحشي الكرنب

مشرف قسم الضحك والفرفشة بنظر الى الادمن وهو فاتح بوقه ومتنح كدا ومش بيتكلم خالص

الادمن : قولولي بقا امسك حمادة اشراف على قسم ايه ؟؟؟

مشرف القسم العام : وحمادة بيه يا ريس بيعرف يعمل ايه ؟؟؟؟

الادمن : بيعرف يعمل على نفسه

المراقب : خلاص يا كبير نعمل قسم جديد نسميه قسم اعملها على نفسك واقرفنا ونخلى سي حمادة يمسك القسم دا

الادمن : انت بتتريق يا ابن ال-تييييييييييييييييييييييييييييت-

المراقب العام : لا يا ري اتريق ايه بس وهو انا اقدر ..... انا بقدر بأقترح

مشرف القسم العام : انا عندي اقتراح لو سمحت يا ريس

الادمن : قول يا ابو دماغ عالية قول ومتعنا

مشرف القسم العام : احنا نسأل حمادة بيه هو عايز يمسك قسم ايه واللي يقوله نعمله

الادمن : ما هو دا اللى انا عملته وسالت حمادة وقالى يا بابا انا عايز امسك قسم الحب والرومانسية

المراقب العام يردد نفس الكلمة التي رددها مشرف القسم العام من قبل ولا يمكن ذكرها

المراقب العام : وليه يا ريس اشمعني قسم الحب والرومانسية هو حمادة بيه دنجوان عصره ولا قيس زمانه

الادمن : انا شكلي هطلع - تييييييييييييييييييييييييييييييييت-

المراقب : يضحك مقهقها وبصوت عالى ويقول : انا شايف يا ريس ان الواد ابنك دا كبيره يعملها على نفسع ويلعب فى مناخيره

الادمن : وانا شايف انك عايز تاخد باند باين كدا

مشرف القسم العام : يا جماعة كدا استهدوا بالله الخلاف في الرأي لا يفسد للكوسة صينية

الادمن : انت كمان هتقولى كوسة .....مش بحبها يا جدعان

مازال مشرف قسم الضحك والفرفشة ينظر الي الادمن وهو فاتح بوقه ومتنح ومش بيتكلم

المراقب العام :ممكن سؤال يا ريس..... هو الباشمندس حمادة هيمسك اشراف ليه اصلا وليه عايز تمسكه المنتدي وحضرتك موجود
ثم يقول في سره ( يا عم ربنا ياخدك ويخلصني منك )

الادمن : محدش ضامن عمره وانا عايز اطمن على المنتدي بعد ما اموت

مشرف القسم العام : اعملها بس انت ياريس وما تخافش

الادمن : اعملها ايه .... اموت يعني

مشرف القسم العام ضاحكا : لا يا كبير .... هات سي حمادة بيه يمسك اشراف

الادمن : ما هو انا هعمل كدا .... انا بس كنت بعرفكوا

ثم

ينفجر مشرف قسم الضحك والفرفشة موجها كلامه للادمن

يا عم حموك في كنكة ..... لو حمادة دا مسك اشراف انا هقعد في التلاجة ومش طالع الا لما العيل دا يمشي

بقا على اخر الزمن يحصل كدا ؟؟؟؟ عيل صغير ب...... يجي يمسك اشراف

يا عم الله يحرقك انت وحمادة والمنتدي كله

انا ماشي يا تيييييييييييت يا ابن ال-تيييييييييييييييييييت-

مش كفاية علينا منعوا الحشيش هتبقي انت والحكومة علينا

ثم يكرر نفس الكلمة التي رددها كل من مشرف القسم العام والمراقب العام من قبل والتى لا يمكن ذكرها

وينتهي الحوار بدون اراقة دماء

ههههههههههههههههههههه
جميل بس ببردو فيه كلام ولاد وانا مش بحبه بس يلا مش مهم

وبعدين مش حرام تمرمتو (هانا) معاكو

اااااااااها صحيح كنت هنسي

مبروك علي (حماده). ربنا يطول فعمره ويخليهولك

خلاص اوعدك لو كملت اليوميات دي مش هحط فيها كلام ولاد تاني
وبالنسبة لحمادة بقا ربنا يكرم ويجي
وميرسي لمرورك نورتى التوبيك

» يوميات مشرف في منتدي ..... الحلقة الاولي
» الحلقة التالتة من يوميات مشرف في منتدي
» الحلقة الرابعة من يوميات مشرف في منتدي يا رب تعجبكوا
» يوميات مشرف ..... الحلقة التانية....جامدة جدا
» يوميات مجنون.