خفاش لكل مواطن علشان يعرف يمشي في الشارع بالليل !الموضوع ده استفزني اوي
دلوقتي بقى الانسان العادي اما يحب يمشي في الشارع ...
بالليل
مافيش ولا عمود نور منور
ليه
----------------------
توفير في الكهرباء والطاقة !!!
يعني ايه الموضوع ده
يعني لو حد ماشي في الشارع وفي "حفرة"
..يقع فيها عادي
انا كنت سمعت ان ده قرار طلع
وتقريباً...نفذوه ..وبسرعة
مش عارفه انا القرارات دي بتكون سريعه اوي في التنفيذ كده ليه
------------------
امبارح حبيت اتمشى على رجلي ..في الشارع
لقيت اللي مخلي الشارع "مضيئ " هي المحلات والمولات المفتوحه على الجمبين
واللي "مضيئ" في قلب الشارع نفسه ...
مش الناس هما اللي منورين
لأ ..
دي بطاريات العربيات
ما شاء الله
يعني خلوا الشعب يشوف على "بطاريات العربيات " اللي ماشية في الشارع
-------------------------------
افتكرت قصة جميلة اوي في مجلة "فلاش"
وخصوصا عن شخصية " المواطن المطحون"
اما جه يمشي في الشارع " الضلمة " ...
جاب " خفاش "
ومشي بيه ...
بس بردو وقع في " بلاعة "
مافيش فايدة بردو
------------------------------
اعتقد كلنا دلوقتي محتاجين ان كل واحد يربي " خفاش"
بس
المشكلة .....................--------------------------------
كل واحد يااللا يفكر لنا في
" مشكلة " للحل ده ...
بس
" بسخرية " خلينا نضحك شوية
خلينا نشوف اكتر حاجه بتميز المصريين ..." خفة الدم "
انهم بيسخروا من كل حاجه حواليهم
حتى من نفسهم
بكيبورد
مون لايت 
الرئيسية 
موضوع: خفاش لكل مواطن. 
الأحد أغسطس 22, 2010 3:39 pm
